بكتب لكم الطريقة وضروري تقرينها كامله لان فيها ملاحظات وانتي تجربين الطريقة اللي تناسبج
كوب هريس منقوع من الليل تالي يصفى
ربع كيلو لحم ( عجل او غنم بعظم او هبر عادي )
ملعقه صغيره ملح + عود دارسين.
@njat80
في طريقة تفوحين اللحم مع حبة بصل ١٠ دقايق ثم يصفى ويغسل وفي ناس يبدون بطبخ اللحم مع الهريس من غير فوح.
اليوم فحت قطعة لحم ١٠ دقايق مع بصله تالي صفيته وغسلته وضفته بجدر الضغط
مع كوب هريس + عود دارسين + ملعقه صغيره ملح + ٤ اكواب ماي وضغطته لمدة ساعه على برنامج ( multigrain)
تالي ضربته عدل لين حسيت اللحم اختلط عدل بالهريس
الصح بوصفة الهريس انج تحطين لحم بنفس وزن الهريس . بس كل واحد يسوي الطبخه اللي تناسبه
قدمته بالعافيه وبوقت التقديم ضيفي ملعقه دهن عداني على سطح الهريس مع رشة من خلطة السكر ( ٢ ملعقه كبيرة سكر بودر + ملعقه كبيرة دارسين ناعم ).
#وبالعافيه
© copyright 2021 – جميع الحقوق محفوظة
اترك تعليقاً