برياني وموبرياني 😅 شفتي ساعات تكون في بالج وصفه ولما تدخلين المطبخ تتغير الوصفه بالكامل
.. جذي صار وياي اليوم
في بالي برياني بس وانا اشتغل غيرت بالوصفه الوصفه سهله وسرييييعه كلش ماخذت معاي وقت لان كل شغلي جاهز من قبل .. الريحه والطعم شي شي ماينوصف جربوها بالعافيه
.
٠
٠
نبدي بسم الله
٣ حبات هامور فليه متبل ( من كل بهار شويه ملح . فلفل حار . كركم.كزبر. كاري بودر . رشة هيل . ملح فلفل اسود . ملعقتين كبار زيت ) دهني الفليه بهالبهار وعادي اذا زايد راح نستخدمه بالحمسه.
.
نقلي الهامور مجرد تشويحه مولازم الفليه يستوي ونتركه على جنب.
٠
بجدر ثاني نسوي عيش مشخول مستوي نص سوا ومع ماي سلق العيش حطي ورق كاري وملح وملعقتين من زيت قلي السمج وعود دارسين ونترك العيش على جنب.
٠
٠
حمسة الخضار
على النار حطي شوية من زيت قلي الفليه .. حبوب الخردل .. ورق كاري.. ٢بصل مفروم ..٢ فلفل حار مفروم.. ١فلفل بارد مفروم .. طماطتين مفرومين.. وبين كل اضافة واضافه ضروري تحمسين . بصل مكرمل نص كوب .. كزبر طازج نص كوب .. نعناع طازج ربع كوب .. نضيف البهار اللي زاد من تتبيلة الهامور واذا مازاد حطي نفس البهارات اللي ضفتيهم عالفليه.. تالي حطي ملح وحطي الفليه المقلي عالحمسه .. خليه على جنب ..
٠
@njat80
الحين حطي بقاع الجدر نص مقدار العيش وفوقه كل خلطة الهامور مع الحمسه وحطي باقي العيش ولاتحطين زيت لان السمج مقلي والعيش مفيوح مع زيت القلي والحمسه فيها زيت ..
٠
حطي الجدر على نار هااااديه لين يتسبك وياج العيش
قدميه مع دقوس .. ومعبوج .. وشوية خضره وليمون
٠
هني هني وعافيه على قلبكم
© copyright 2021 – جميع الحقوق محفوظة
اترك تعليقاً