ميني صمون اليوم سويته للفطور وماشاء الله رووعه طلع معاي.
٠
بالفيديو موجود بعد هالبوست اللي تحب تشوف الخطوات.
٠
لاتنسيني من دعواتج الطيبه. ٠
هذي الوصفه مكتوبه بالتفصيل للي تحب
ميني صمون
وصفة لذيذه عجيبه وسهله.
٠
٣ ونص كوب طحين ( ابيض/ فاخر / اسمر ) استخدمي اي نوع تحبين تقدرين نوع ١ تقدرين تخلطين
انا استخدمت الفاخر.
٠
٢ ملعقه شاي خميره فوريه.
٠
ملعقه شاي ملح
٠
٢ملعقه كبيره سكر.
٠
ملعقه كبيره زيت زيتون.
٠
بيضه + ملعقه كبيره خل ابيض ( يستبدل البيض بحليب بودر او روب زبادي بمقدار ٢ ملعقه كبيره ).
٠
نعجن بماي دافي ( المقدار بالنظر ) ٧ دقايق
٠
ثم نخمرها لمدة ساعه.
٠
نقسم العجينه ٢٥ حبه.
٠
نفرد مثل الشكل الموضح بالفيديو
( التشكيل يكون من الطرف الاطول ).
٠
نخمر الصمون ٢٠ الى ٣٠ دقيقه.
٠
ممكن تمسحين الوجه حسب الرغبه وممكن تتركينه بدون اي دهان يفضل اذا دهنتي الوجه ترشين اي حبوب زينه عندج ( سمسم /حبة البركه / بوبي سيد ).
٠
جهزي فرن ساخن حرارة ٢٠٠ من فوق وتحت والرف بالمنتصف الصمون ماياخذ وقت مجرد دقايق
( وقت الخبز يكوم حسب نوع كل فرن ).
٠
٠
اول ماتطلع الصينيه من الفرن يتم دهن سطح الصمون بزبده او سمنه بحرارا المطبخ.
٠
الحشوات خواتي اختياري اي حشوة تحبينها سويها
اليوم
حشواتي
١/ حمسة دجاج
٢/ لبنه بالزعتر
٣/ حلوم بالاعشاب.
٠
@njat80
نجاة الكندري
الملاحظات:
١_ نعجن العجينه بالعجانه واذا كنتي تعرفين تعجنين بالايد عادي.
٠
٢_ نفرد ونشكل من الطرف الاكبر ولاحظي طريقة التشكيل.
٠
٣_ يفضل استخدام صواني فاتحه اثناء خبز اي فطيره خاصه ان كنتي مبتدأه.
٠
© copyright 2021 – جميع الحقوق محفوظة
اترك تعليقاً