عيش عدس او ممكن مجدرة عيش على طريقتي
اعشق هالاكله أمي الله يرحمها كانت تسويه بطريقه لذيذه بس للاسف ماتعلمته منها كنت لما أسألها كانت تقول مايبيله شي كله بالنظر وانا ماعرف بالنظر احب اللي يشرح لي يشرح بطريقه مفصله خاصه لما تقول بهارات انزين شنو البهار 😂 البهارات انواع واشكال ..
الله يرحمها ويغفر لها
هذي طريقتي جربوها وان شاء الله تطلع مثل ذوقكم🥰
كوب عيش بسمتي منقوع مسبقا ومصفى
نص كوب عدس (كشري) منقوع نص ساعه ومصفى
فوحي العدس ربع ساعه من غير ملح ..
بجدر ثاني حطي بصله مفرومه + فلفله حاره مفرومه وزيت
حمسيهم لين يذبلون تالي حطي
ربع كوب بصل مكرمل + ملعقه صغيره كمون + ملعقه صغيره كزبر بهار + ملح + رشة كركم
@njat80
حطي العدس وحطي العيش وماي سلق العدس جبسي العيش فيه + ضبطي مقدار الملح وسكري العيش على نار هاااديه
تقريبا ٢٥ دقيقه٠
© copyright 2021 – جميع الحقوق محفوظة
اترك تعليقاً