لسان الثور ٠
وصفة معتمدة .. تهبل خفيفه وريحتها عطره
بكتبها لكم بالتفصيل مع الملاحظات ابيكم تذوقون نفس اللي انا أسويه👌
بسم الله نبدي
الفرن حار من فوق حرارة خفيفه ومن تحت على ١٧٠
قالب مدهون يفضل يكون مستطيل او مربع
مكوناتج كلها بحرارة المطبخ
نخفق ٣ بيضات وملعقه شاي هيل بودر وكوب سكر الى ان ينفش القوام تقريبا ٥ دقايق.
تالي نضيف ثلاث ارباع كوب زيت.
كوبين طحين + ملعقه كبيره بيكنج بودر + ملعقة ماي منقوع فيها زعفران + رشة ملح + ملعقه شاي ينسون + ملعقه شاي حبه حلوه
نخلط المكونات مع رشة خفيفه من صبغ الزعفران (لسان الثور الوصفه الاصليه يكون لونه اصفر ).
الخليط يكون ثقيل ( مبين وياج بالفيديو)
صبي المقدار بالقالب المدهون ويرش عالوجه رشة سمسم ثم يخبز الى ان يتحمر ويستوي
@njat80
يفضل تنطرين الكيك يبرد تالي تقلبين القالب وتقصين الكيك اصابع ( تقريبا حجم ١ انش )
ترجعين اصابع الكيك بالقالب وتحمرينه بالفرن مره ثانيه من فوق فقط .. وتكررين هالحركه لين تشوفين كل قطعة متحمره من جميع الجوانب
( مجرد دقايق ماياخذ منج وقت طويل)
تالي صفيهم وخليهم مكشوفين .. لين يبردون تماما .
قدميهم بالعافيه
© copyright 2021 – جميع الحقوق محفوظة
اترك تعليقاً