طبقي معاي خطوة خطوة وبإذن الله بتجربين ألذ وأسهل لزانيا
اول شي بنسوي صلصة اللحم ( الصلصلة الحمره)
مقداري اليوم بسيط حق شخصين اللي تحب تسوي دبل الكميه
بزيت زيتون نحمس بصلة كبيره مفرومه + فلفل حار.
تالي اضيف لحم مفروم ربع كيلو حمست لين استوى اللحم.
ضفت صلصة باستا السوفريتو
(روعه هالصلصه تنفع لأغلب الباستات وتنفع للطواجن).
نترك الحمسه ٥ دقايق تتسبك تالي اشيلها على جنب.
٠
البشاميل:
بنفس الجدر ضيفي ٣ ملاعق كبيره زيت زيتون
( زيت زيتون mf ينفع للقلي .. والحمسات..والتتبيلات واهو زيت اسباني ).
وضفت ٢ ملعقه كبيره طحين ملح وفلفل اسود نحمس الطحين تالي اضيف عليه كوبين الى ٣ اكواب حليب سائل مع التحريك المستمر الى ان توصلين للقوام الناعم والنكهه اللذيذه ومهم ماتكون صلصة البشاميل ثقيله لازم تكون خفيفه شوي.
٠
طريقة التحضير البايركس.
طبقة خفيفه بقاع البايركس ضفت بشاميل وفوقه طبقة لزانيا
ثم بشاميل ثم صلصة حمره ثم لزانيا ثم بشاميل ثم صلصة حمره .. الى ان تنتهي الكميه اللي عندج الصح تكون اللزانيا ٣ طبقات لكن بالنسبه لي عدد الطبقات يرجع حسب ذوقج
.
اخر طبقة لزانيا .. طبقة جبن اي نوع جبن مبشور .. كل البشاميل.. ثم يغطى البايركس ويدخل فرن حار من الاعلى والاسفل حرارة ١٨٠ .. نص ساعه ثم نكشف الوجه ونحمر الوجه ..وتقدم بالعافيه
@njat80
© copyright 2021 – جميع الحقوق محفوظة
اترك تعليقاً