تتبيلة سهله بس طعمها روعه روعه
٠
ساعات تبين تسوين غدا سهل خفيف بكتب لج التتبيله جربيها عليج بالعافيه 🥰
٠
نجاة الكندري @njat80
٠
صينية دياي بالبطاط
وزعي بطاط بقاع البايركس واذا تحبين اي خضرة ثانيه حطي حسب ذوقج.
٠
مقادير التتبيله
بالبلندر حطي
طماطه كبيره + ٢ ملعقه كبيره معجون طماط + ربع شدة كزبر طازج + حبة فلفل حار + كوب ماي + ربع كوب صويا صوص + كزبر بهار ملعقه وسط + ملح + اي بهار تحبينه انا حطيت ملعقه وسط بهار عثماني خلطي الخلطه
٠
نظفي الدياي وقصيها نص .. وحطي التتبيله بالبايركس عالدياي .. وحطي عالويه ٣ ملاعق كبيرة زيت زيتون + قطعة ليمونه.
غطي البايركس بالقصدير وحطيه بفرن حار حرارة ١٨٠ من تحت بس لمدة ساعتين
٠
وبنص الوقت شوفي مقدار الصلصه اذا حسيتي الصلصه شوية زيدي شوية ماي حلات هالصينيه بصلصتها .. قدميها مع عيش شعريه
© copyright 2021 – جميع الحقوق محفوظة
اترك تعليقاً