احب اسوي هالوصفه بدون لحم بس اضافة اللحم اختياريه لج حسب ذوقج.
طريقتي بدون نشا .. وبدون طحين نخي
وهذي طريقة معتمده عندي من سنين ما اغيرها
بكتبها لكم بالتفصيل وان شاء الله اذا جربتوها عطوني رايكم٠
بسم الله نبدي
بطاطه حجم وسط مبشوره٠
طماطه حجم كبير مبشوره٠
بصله كبيره مبشوره٠
كوسى حبتين مبشوره٠
فلفل حار مفروم٠
كزبر طازج نص حزمه مفرومه٠
بقدونس طازج نص حزمة مفرومه٠
بصل اخضر عودين٠
شبنت ربع حزمة مفرومه
نخلط كل الخضار مع بعض ونتبل بمقدار ملعقه وسط من
الكركم + كزبر+كمون+ ملح حسب الذوق
٠
ممكن اضافة ربع كوب لحم مفروم ( انا ما احط)
ممكن تلغين اي مكون غير متوفر عندج٠
حطي مقدار كوب طحين اسمر + نص كوب ماي لازم خلطة الطحين تكون ثقيله لان كل الخضار فيها ماي٠
٠
@njat80 نجاة الكندري
وضيفي مقدار ملعقه كبيره معجون طماط
٠
خلطي الخضار مع الطحين
( ممكن تحتفظين بالخلطه بالثلاجه ٣ ايام)
يعني اذا حسيتي المقدار كبير عادي كل يوم سوي شويه٠
٠
اقلي ووقت القلي عالوجه حطي رشة سمسم للزينه
هذي اضافه٠
© copyright 2021 – جميع الحقوق محفوظة
اترك تعليقاً