هذي الذ حمسة جبدة عندي .. وهالحمسه معتمدة وصفتها ماحب اغيرها لأن للاسف انا والجبدة مابينا صداقه 🤭
هذي الحمسه الوحيدة اللي ممكن اتقبل اكل الجبدة
٠
اول شي قطعي الجبدة مكعبات صغيره وتبليها ب ٣ فص ثوم مهروس + عصير نص ليمونه + رشة فلفل حار + ملعقه صغيره كركم + ربع كوب خل.
( انا احب اسويها قبل ليله بس اذا تحبين تاكلينها طازجه نقعيها ساعه)
٠
على نار عاااليه حطي زيت زيتون وحمسي
بصله شرايح + فلفل بارد شرايح + ٣ فص ثوم
٠
حطي الجبدة .. ( الجبدة من غير صلصتها مالت النقع)
٠
@njat80
نجاة الكندري
حمسيها دقيقتين او ثلاث بالكثير بسررعه تستوي ماتاخذ وقت ولازم النار تكون عاليه عشان تطلع الجبدة معاج طريه حلوة.
٠
حطي ملح وفلفل اسود وانا احب احط فلفل حار
بعد الاستواء حطي عصير ليمونه + طماطه مقطعه شرايح
٠
ممكن عالويه تحطين كزبر طازج مفروم بتطلع الذ😋
وقدميها بالعافيه
© copyright 2021 – جميع الحقوق محفوظة
اترك تعليقاً