على النار يفضل تستخدمين جدر ستانلس ستيل
.
كل خلطة تحتاجين لها ٥ لتر او ٤ لتر حليب سائل كامل الدسم ( حليب بقري ).
.
تتركين الحليب قبل الغليان بدقيقه حطي النكهه اللي تحبيها
نكهتي الاولى : ملعقه كبيرة ملح + ملعقه وسط بهار تركي ( يستبدل بأي بهار تحبينه ) + ملعقة شاي كركم + ملعقة كبيرة حبة البركه.
٠
و كوب خل ابيض تتركين الجبنه تغلي لمدة ٥ دقايق .. ويصفى على قطعة شاش ويعصر .. حطي فوقه ثقل عشان نتأكد من نزل كل الماي ونترك هالثقل لمدة ٣ ساعات وممكن ليله .
.
يبرد ويقطع .يقدم بالعافيه
.
الخلطه الثانيه:
ملعقة كبيرة نعناع ناشف+ ملح
+فلفل تركي ( ممكن تلغينه).
٠
والخلطه الثالثه :
٢ ملعقه كبيرة معجون الفلفل التركي + ملعقه كبيرة ملح.
٠
ووتتبعين نفس الطريقه مع كل الخلطات
وممكن تسوين منه جبن قلاص تحطين هالجبنه بعد الضغط بخلاص الكيك او خلاط الشوربه والقليل من مصل الحليب ( السائل اللي تصفينه من الحليب بعد مايتكل هذا اسمه مصل)
.
بالنسبه لي خلطه رقم ٢ الذ خلطه لكن كل وحده لها ذوقها .. مقدار الملح احتمال يكون قليل يفضل تذوقين الجبن قبل وضع الثقل اذا حسيتيه ماصخ ضيفي ملح وضغطي عالجبنه
njat80@
© copyright 2021 – جميع الحقوق محفوظة
اترك تعليقاً