طريقتي وايد سهله بالبرياني ونكهة العيش بحمسة اللحم وايد حلوه تقدرين تضيفين اضافات حسب ذوقج 🥰
١. كوبين عيش مسلوق مع نص كوب بزاليا وملح وكاري طازج مستوي نص سوا ( يترك على جنب)
٢. تتبيلة اللحم ( انا تبلته قبل ليلتين) ملعقه كبيره روب + ملعقه وسط كزبر بهار + فلفل بودر + حبة كيوي + اي بهار تحبينه استخدمت لحم تكه ممكن لحم بعظم اذا استخدمتي لحم بعظم لاتبلينه بس سلقيه مثل كل مره لين يستوي تالي تبيله بس بدون اضافة الكيوي .
٣. حمسة البرياني نفرم ٣ بصلات + حبة فلفل بارد + حبتين فلفل حار نحمس لما تشوفين البصل شوويه تكرمل حطي ملعقه كبيره معجون الثوم والزنجبيل + كاري بودر + كركم رشة + اللحم حمسيهم عدل تالي ضيفي ملعقه كبيرة معجون طماط + ملعقة كبيره مليانه روب كامل الدسم+ طماطه مفرومه + كزبر طازج مفروم+ ملعقه صغيره من معجون mf اي خلطه عندج حطيها + ملح + كوبين ماي ويترك على نار هاااديه الى ان يستوي اللحم
( اذا استخدمتي لحم بعظم مستوي وخالص تقللين الماي حطي نص كوب ).
٤. بعد ماتتأكدين ان اللحم استوى شيلي ثلاث ارباع مقدار الخلطه وحطي بالقاع نص مقدار العيش وفوقه خلطة اللحم وفوقه كل العيش .. عالويه ممكن زعفران او ممكن الوان البرياني
. انا احب احط كركم + صفار زعفران
ملاحظه: هالبرياني مافيه بهارات حب مانحب البهارات العدله تكون بين العيش.
ودايما بأغلب وصفاتي احب احط مع الحمسه قطعة ليمون طازج ( تكون معصوره)
جربي هالطريقه باذن الله بتعجبج وعليج بالعافيه
@njat80
© copyright 2021 – جميع الحقوق محفوظة
اترك تعليقاً